Insuficiencia renal

}

Insuficiencia renal aguda-sobre-crónicaEditar

La insuficiencia renal aguda pue tar presente enriba de la insuficiencia renal crónica. Esto llámase insuficiencia renal aguda-sobre-crónica (AoCRF). La parte aguda del AoCRF puede ser reversible y l’oxetivu del tratamientu, como en ARF, ye retornar al paciente a la so función renal básica, que ye típicamente midida pola creatinina del sueru. Tanto’l AoCRF, como’l ARF, pueden ser difíciles d’estremar de la insuficiencia renal crónica si’l paciente nun foi siguíu por un médicu y nun hai disponible un trabayu de base (esto ye, amueses anteriores de sangre), pa comparanza.

Enfermedá renal terminalEditar

L’estáu nel cual hai insuficiencia renal total o casi total y permanente llámase enfermedá renal terminal. Les persones con esta clase d’enfermedá tienen de sometese, pa caltener la vida, a hemodialisis, diálisis o a un tresplante.

Usu del términu uremiaEditar

Antes de les meyores de la medicina moderna, la insuficiencia renal podía ser referida como envelenamientu urémico. La uremia yera’l términu usáu pa describir la contaminación del sangre con orina. Empezando alredor de 1847 esti términu foi usáu pa describir la salida amenorgada d’orina, agora conocida como oliguria, que se pensaba yera causada pola orina que s’entemecía con el sangre en cuenta de ser refugada al traviés de la uretra.

L’acumuladura de la urea nel sangre puede producir síntomes como: anorexa, malestar xeneral, vultura y cefalea.

Causes de la insuficiencia renalEditar

Nos Estaos Xuníos, cerca de 80.000 persones reciben el diagnósticu de insuficiencia renal cada añu. Trátase d’una afección grave na cual los reñones dexen d’esaniciar les refugayes del organismu. La insuficiencia renal ye la etapa final del deterioru lentu de los reñones, que ye un procesu conocíu como nefropatía.

La diabetes mellitus ye la causa más frecuente de insuficiencia renal, y constitúi más del 40 per cientu de los casos nuevos. Inclusive cuando les melecines y la dieta pueden controlar la diabetes, la enfermedá puede conducir a nefropatía y insuficiencia renal. La mayoría de los diabéticos nun desenvuelven una nefropatía lo suficientemente grave como pa causar insuficiencia renal. Hai cerca de 16 millones de diabéticos nos Estaos Xuníos y dellos, unos 100.000 carecen insuficiencia renal de resultes de la diabetes.

Les persones con insuficiencia renal tienen que sometese a diálisis pero non en toles ocasiones. Esti procesu reemplaza dalgunes de les funciones de filtración de los reñones, o a un tresplante pa recibir el reñón d’un donante sanu. La mayoría de los ciudadanos estauxunidenses que presenten insuficiencia renal pueden recibir atención médica financiada pol gobiernu federal. En 1997 el gobiernu federal d’Estaos Xuníos gastó cerca de 11.800 millones de dólares na atención de pacientes con insuficiencia renal.

Los estauxunidenses de raza negra, los aboríxenes estauxunidenses, y los descendientes d’hispanoamericanos sufren diabetes, nefropatía y insuficiencia renal nuna proporción cimera al promediu. Los científicos nun pudieron esplicar totalmente la interaición de factores que conducen a la nefropatía diabética. Ente estos factores tán l’heriedu, la dieta y otres afecciones, como la hipertensión arterial. Reparóse que la hipertensión arterial, y les altes concentraciones de glucosa na sangre, aumenten el riesgu de qu’una persona diabética termine sufriendo insuficiencia renal.

Una causa típica de insuficiencia renal nos neños ye’l Síndrome urémico hemolítico (SUH), una enfermedá causada pola bacteria Escherichia coli O157:H7 (ECEH o Escherichia coli enteru hemorráxica) que puede causar la muerte o dexar daños renales, neurolóxicos o hipertensión arterial.

ReferenciesEditar

• National Kidney and Urologic Diseases Information Clearinghouse (NKUDIC)

Notes

Ver tamiénEditar

• Diálisis renal
• Diálisis peritoneal
• Hemofiltración
• Hemodiafiltración
• Tresplante renal

Enllaces esternosEditar

• Tutorial Interactivo de Salú Medline sobre Fallu Renal (Utiliza gráfiques animaes y puede escuchase el tutorial)
• Diálisis Peritoneal Dialisisperitoneal.org Páxina dedicada a la divulgación d’información alrodiu de la diálisis peritoneal en casa.